Qazaq Air - Арнайы қызметтер

Арнайы қызметтер

Әуе кемесінің салонында орын таңдау қызметі

Құрметті жолаушылар!

«QAZAQ AIR» әуе компаниясы біздің сайт арқылы әуе кемесінің салонында Сізге қажетті орынды таңдау  немесе  +7(727) 3561414 телефоны арқылы брондау орталығында брондау мүмкіндігін ұсынады.

QAZAQ AIR жолаушыларға аяқтарға қосымша кеңістігі бар орындар, сонымен қатар сізге ұнаған орынды арнайы бағамен брондау мүмкіндігін ұсынады, бағаны Брондау орталығынан немесе әуе компанияның сайтынан білуге болады. Сізге қажетті орынды брондау мен төлемді рейстің ұшуынан 3 сағат  бұрын жасалады.

Назар аударыңыз!

Алдын ала таңдалған орындарды беру әуе компаниясының қосымша ұсынысы болып табылады. Егер сіз бұл қызметті пайдаланбаған болсаңыз, «QAZAQ AIR» әуе компаниясы рейске тіркелу сәтінде автоматты түрде әуе кемесінің салонында кез-келген бос орындарды сіздің атыңызға немесе бір брон бойынша сізбен бірге саяхат жасайтын басқа тұлғалардың атына тіркеп қояды.

Таңдалған және төлем жасалған орындар басқа тұлғаларға берілмейді.

Таңдалған орынды ауыстыру  немесе қайтару жағдайында  алғашында билет сатылып алынған тиесілі учаскеде тарифтерді қолдану ережелеріне сәйкес айыппұл алынады .

Төменде әуе кемесінің салонында алдын ала орын таңдау  қосымша қызметтері үшін төлем мөлшерлері келтірілген:

Сипаттама

Қатар реттік саны және орынның әріптік коды

Құны

Бірге отыру және ертерек шығу мүмкіндігі бар стандарт орындар

5,6 қатардағы барлық орындар

 (A, B, C, D)

2500 теңге.

Бірге отыру және ертерек шығу мүмкіндігі бар стандарт орындар

7-10 қатардағы барлық орындар

 (A, B, C, D)

1500 теңге.

*Аяқтарға арналған қосымша кеңістігі бар орындар апаттық шығулардың жанында орналасқан және оларға төмендегі  ережелер қолданылады:

Аяқтарға арналған қосымша кеңістігі бар апаттық шығулардың жанында орналасқан орындардағы  (1А, 1В, 2С, 2D) жолаушыларға арналған ережелер:

Ұшуларды ұйымдастыру қауіпсіздік ережелері бойынша  апаттық шығулардың жанында орналасқан орындар 18 жастан асқан төменде көрсетілген тұлғаларға ғана берілетінін ескерулеріңізді:

  • Балаларымен саяхаттайтын жолаушылар
  • Ұшақ салонында жануарлармен саяхаттайтын жолаушылар
  • Мүмкіндігі шектеулі жолаушылар
  • Жүкті әйелдер
  • Кәмелет жасына толмаған жолаушылар
  • Писхикалық немесе физикалық ауытқулары бар жолаушылар

«QAZAQ AIR» әуе компаниясы  кез-келген уақытта – тіптен ұшаққа жолаушыларды отырғызу аяқталғаннан кейін де әуе кемесінің салонындағы орындарды тарату құқығын өзіне қалдырады. Бұл ұшуды орындау қауіпсіздігін қамтамасыз ету үшін қажет болуы мүмкін.

Назар аударыңыз! Ұшақтың бортына отырған кезде Сізден берілген отыратын талонға сай орынға ие болуыңызды сұраймыз.

Әуекомпаниясының тасымалдау ережелеріне сай, сонымен қатар ұшу қауіпсіздігінің талаптары бойынша, жолаушыларға ұшу кезінде орындарын ауыстыруға рұқсат берілмейді.

«Әуе кемесінің бортында мінез-құлық қағидаларын бекіту туралы» Қазақстан Республикасы Инвестициялар және даму министрінің 2017 жылғы 30 маусымдағы № 416 бұйрығына сәйкес

2-тарау. Әуе кемесінің бортында мінез-құлық тәртібі

      4. Әуе кемесінің бортында жолаушы ретінде болатын тұлғаларға:

      2) қол жүгін және жеке заттарын арнайы белгіленген орындарға орналастырып, отырғызу талонына сәйкес өз орнына орналасу. Багаж қол жүгінің габариттеріне сәйкес келмеген жағдайда, багажды багаж бөлігіне тапсыру қажет;

«QAZAQ AIR» әуе компаниясы  келесі жағдайларда алдын-ала орын таңдау қызметіне төленген шығынның орнын толтырады:

  • Рейсті  тоқтату;
  • Техникалық  немесе операциялық себептер  бойынша орын беру мүмкін болмауы.

Ақшалай қаражаттар тасымалдау төлемі жасалған жолмен қайтарылады. 

Растау анықтамасы

Құрметті жолаушылар!

Сіздің әуебилетіңізді пайдалану туралы растау анықтамасын алу үшін:

  1. Жолаушының аты-жөні латын әріптерімен, мысалы, IBRAYEV
  2. Броньдаудың алты санды нөмірі, мысалы,EFNVPU*

*Егер броньдау нөмірі болмаса, мына телефон арқылы хабарласыңыз: +7 727 356 14 14.

Осыдан кейін "Растау хаты" пернесін басыңыз.

ЖҮКТІ ӘЙЕЛДЕРДІ ТАСЫМАЛДАУ

Жолға шығар алдында міндетті түрде дәрігермен мүмкін болатын қарсы көрсетілімдер туралы кеңесіңіз, оның алдағы жол сапарына қатысты нұсқауларын алыңыз.

Жүкті әйелдерге рейске тіркеу басталар алдында келген дұрыс. Әуе сапарына қарсы көрсетілімдерінің жоқ екендігі туралы емдеу мекемесінің медициналық қорытындысын және алмасу картасын көрсеткен жағдайда, жүктілік мерзімі 34 апта аспайтын жүкті әйелдерге ұшуға рұқсат етіледі. Жаңа дүниеге келген балаларға 7 күннен кейін ұшуға рұқсат беріледі. Ұшақ бортындағы сәбилердің рұқсат етілетін саны  - 8, бесіктер қарастырылмаған.

Жүктілік мерзімі:

22 аптаға дейінгі жүкті әйелдер алмасу картасын немесе дәрігер қорытындысын (көшірмесін) көрсеткен жағдайда.

22 аптадан 34 аптаға дейін бір ұрықты жүктілік кезінде,

22 аптадан 32 аптаны қоса алғанға дейін көп ұрықты жүктілік кезінде алмасу картасы (көшірмесі) және жүктілік мерзімі мен қанағаттанарлық денсаулық жағдайы туралы медициналық ұйымның анықтамасы болған жағдайда тасымалданады.

Бір ұрықты жүктілік кезінде жүктілік мерзімі 34 аптадан асатын және көп ұрықты жүктілік кезінде 32 аптадан жоғары жүкті әйелдер жазбаша түрде құзырлы дәрігерлік комиссиясының қорытындысы болған жағдайда (ҚР-да тасымал № 035-1/у. формасы бойынша жүргізіледі) тасымалданады.

Егер жүктілік кезінде асқынулар болса, әуе тасымал көлігімен саяхатқа шығар алдында дәрігермен кеңесу керек. Босанған әйелдер босанғаннан кейін және жаңа туылған балалар бала дүниеге келгеннен кейінгі алғашқы 7 күнтізбелік күн ішінде тасымалдауға алынбайды. Егер баратын елдің  көші-қон заңнамасының талаптары қажеттілік болған жағдайда, әуе компаниясы жүкті әйелді тасымалдаудан бас тартуға құқылы.

Жүкті әйелді тасымалдау Тасымалдаушы Жолаушы алдында Жолаушы және ұрық үшін тасымал кезінде және тасымал салдарынан пайда болуым мүмкін жағымсыз салдар үшін жауапты болмайды деген шарттар негізінде жүзеге асады.

Ұшақ бортында мамандандырылған медициналық көмек көрсету мүмкіндігі жоқ, сондықтан да Сіздің жеке қауіпсіздігіңізді қамтамасыз етуге бағытталған, Әуе компаниясының талаптарына түсіністікпен қарауларыңызды сұраймыз. 

ЖАЛҒЫЗ САПАР ШЕГУШІ БАЛАЛАР

Біз өз ұшақтарымыздың борттарындағы жас жолаушыларды әрқашан көруге қуаныштымыз.

Арнайы бірге жүру қызметін рәсімдеген жағдайда 6 дан 15 жасқа дейінгі (15 жас қоса алынады) балалар біздің әуе компанияның рейстерімен ересек жолаушылардың бірге жүруінсіз саяхаттай алады.

Ата-аналарының қалауы бойынша, бірге жүру қызметтерін 16 жасқа дейін ұлғайтуға болады.

Назар аударыңыз, QAZAQ AIR компаниясының барлық рейстерінде, билет сатып алуға қосымша, Сіз бірге жүру қызметіне төлем жасауыңыз қажет болады, қызмет құны – бір жағы 8 000 KZT.

Қазақстан аумағындағы ішкі рейстердегі 6 дан 14 жасқа дейінгі (14 жас қоса алынады), бірге жүретін тұлғасыз саяхаттап жүрген,  кәмелеттік жасқа толмаған балаға билет бағасы ересектерге арналған ағымдағы толық тарифтің 50%ын құрайды.

Жалғыз жүретін кәмелеттік жасқа толмаған, 15 жасқа толған балалар толық ересек тарифтік мөлшерлемені төлейді. Балалар жолда тоқтауды талап ететін, тікелей емес рейстерде ересектерсіз саяхаттай алмайды.

6 жасқа дейінгі балалар тек кәмелеттік жасқа толған жолаушымен бірге ғана тасымалданады. Билетті брондау кезінде жалғыз жүретін кәмелеттік жасқа толмаған баланың ата-анасы немесе қамқоршысы ересектерсіз кәмелеттік жасқа толмаған баланы тасымалдауға өтініш бланкін толтырып және оған қол қоюы керек.

 Егер баланы ұшу пунктіне жеткізуге жауапты немесе жету орнында бала табысталатын ересек адам сол баланың ата-анасы немесе заңды қамқоршысы болмаса, онда оның қолында баланы алуға құқығын растайтын, нотариалды расталған сенімхат болуы керек.

Қосымша қауіпсіздік қамтамасыз ету мақсатында, жалғыз сапарға шығатын кәмелеттік жасқа толмаған балалар сағат 23-тен таңғы сағат 6-ға дейін (ұшу пунктінің уақыты бойынша) тасымалға қабылданбайды.

Ересектерсіз ұшатын, кәмелеттік жасқа толмаған балалар үшін билеттерді брондауды кесте бойынша ұшақтың ұшу уақытынан 24 сағаттан кеш емес уақытта брондау қажет. Ол үшін info@flyqazaq.com мекенжайы бойынша бізбен хабарласуыңыз керек немесе саяхат бюросындағы өз агентіңізге қажетті ақпаратты хабарлауыңыз керек. 

КӨРУ ЖӘНЕ ЕСТУ ҚАБІЛЕТТЕРІ ЗАҚЫМДАЛҒАН ЖОЛАУШЫЛАР

Көру және есту қабілеттері зақымдалған жолаушылар өздерімен бірге жетекші итті алуына болады және оны біздің рейстерімізде тегін алып жүре алады.

Жетекші ит келесідей шарттар орындалған жағдайда жолаушылар салонында тасымалданады: жетекші иттің үйретілгендігі туралы сертификат, иттің қарғыбауы, тұмағасы болуы керек, ит өзі жетекшілік ететін жолаушының орындығының аяғына байланады.

Ит таза болуы керек, әуе кемесінің санитарлық және гигиеналық күйіне ұшу кезінде қауіп төндірмеуі керек, әуе компаниясы мен жолаушылардың мүліктеріне зия келтірмеуі тиіс.

Жетекші итті тасымалдау туралы тасымалды брондау кезінде және билетті сатып алу кезінде сату офисіне немесе +7 727 3561414  телефоны арқылы хабарлау керек.

Тіркеу және ұшу кезінде жетекші иттерді тамақтандыруға тыйым салынады!

ҚОЗҒАЛЫС МҮМКІНДІКТЕРІ ШЕКТЕЛГЕН ЖОЛАУШЫЛАР

Аталған санаттағы жолаушыларды тасымалдау рейс ұшуына кем дегенде 24 сағаттан бұрын тасымалды брондау кезінде Әуе компаниясымен келісілуі тиіс

Әуе компаниясы жолаушыны тасымалдау кезінде немесе тасымалдаудан кейін, жолаушының денсаулық жағдайына байланысты болған мүмкін салдарды және/немесе денсаулығының нашарлауы үшін ешқандай жауапкершілік алмайды.

Саяхат Сіз үшін қолайлы болуы үшін, өтінеміз, ең алдымен:

Өзіңіздің емдеуші дәрігеріңізбен кеңесіңіз;

Тікелей және кері бағыттардағы рейстерге билетті брондаңыз;

Брондау кезінде бізге мүгедектер арбасын пайдалану немесе пайдаланбайтыныңыз туралы хабар беріңіз;

Егер өзіңіздің арбаңызды пайдаланатын болсаңыз, бізге оның сипаттамалары жайлы ақпарат беріңіз (аккумулятор түрі, өлшемдері және т.б.)

Қауіпсіздік мақсаттарында мүгедектер арбасын рейстердегі тасымалдау келесідей әдістермен жүзеге асырылады:

Мүгедектер арбасының түрі

   Шектеулер

Жиналмалы арбалар

Мұндай түрдегі арбалар ерекше шектеулерсіз қабылданады

Ақпайтын батарейкалармен жұмыс жасайтын арбалар

Егер құрылымы батареяны алуға мүмкіндік беретін болса:

 

Батареяны ажырату қажет, содан кейін арба шектеусіз тасымалдана береді

 Алынған батарея берік, қатты қаптама жинағында тасымалданады

Кездейсоқ қысқа тұйықталуды болдырмас үшін аккумулятор қысқышын оқшаулау керек

 

Егер құрылымы батареяны алуға мүмкіндік бермейтін болса:

 

Кездейсоқ қысқа тұйықталудан қорғау үшін батарея клеммаларын оқшаулау қажет

Батареяны арбаға нық бекіту керек

Электрлік тізбектер тұйықталған болуы тиіс

Электролиттік (ағатын) батареялардан жұмыс жасайтын арбалар

Егер тік күйінде тиеу/ түсіру/ тасымалдау мүмкін болса, онда батареяны арбадан ажыратпауға болады. Сонымен бірге:

 

Кездейсоқ қысқа тұйықталудан қорғау үшін батарея клеммаларын оқшаулау қажет

Батареяны арбаға нық бекіту керек

Электрлік тізбектер тұйықталған болуы тиіс

 

Егер тік күйінде тасымалдау мүмкін болмаса, онда батареяны ажыратып алу керек.

 

Осыдан кейін арба шектеусіз тасымалдана береді

 Алынған батарея берік, қатты қаптама жинағында тасымалданады

 

Сонымен қатар:

 

Кездейсоқ қысқа тұйықталудан қорғау үшін батарея клеммаларын оқшаулау қажет

Батареяны контейнер ішінде тік күйінде орналастырып және батарея ішіндегі зат төгілген жағдайда барлық электролит мөлшерін сіңіріп алуға жеткілікті сорғыш материалмен жабу керек.


Барлық түрдегі мүгедектер арбалары тек тіркелген жүкте ғана тасымалданады.

Мүгедектер арбаларын тасымалдау, бекітілген жүкке үстеме түрде, тегін жүзеге асады.

Мүгедектер арбаларын тасымалдау талаптары «Әуе бойыша қауіпті жүктерді қауіпсіз тасымалдау бойынша техникалық нұқсаулықтармен» (Doc 9284 AN/905 ИКАО) реттеледі.  

Зембілдер

Qazaq Air әуе компаниясы, ұшақ ерекшеліктеріне байланысты, зембілдегі жолаушыларды тасымалдамайды. 

ЖАНУАРЛАРДЫ ТАСЫМАЛДАУ

QAZAQ AIR әуе компаниясының жолаушыларына өздерімен бірге кішкентай мысықтар мен иттерді ұшақ салонына алуға рұқсат етіледі.

Ұшақ бортындағы- ұшақ салонындағы жануарлардың рұқсат етілген саны (ит немесе мысық)- 2:

  • Салмағы 0-5 кг жануарлар (торымен бірге). Торының көлемі 29x43x26 см аспауы тиіс;
  • Салмағы 5-8 кг жануарлар (торымен бірге). Торының көлемі 50х35х30 см аспауы тиіс;


Бір контейнерде бір ұялас жануарлардың екеуден артық емес санын тасымалдауға рұқсат етіледі.
Жануарларды жүк бөлімінде тасымалдауға жол берілмейді.
Жануарларды тасымалдаған жағдайда брондау кезінде әуе компаниясын хабардар ету және Тасымалдаушыдан рұқсат алу қажет. 

Сипаттамасы 

Бағасы

Тікелей рейстерде ӘК салонында жануарларды алып жүру;
Салмағы 0-5 кг жануарлар (торымен бірге), торының көлемі 29х43х26 см аспауы тиіс.

8 000 KZT 

Түйісу рейстерінде ӘК салонында жануарларды алып жүру;
Салмағы 0-5 кг жануарлар (торымен бірге), торының көлемі 29х43х26 см аспауы тиіс.

12 000 KZT             

 

Салмағы 5-8 кг жануарлар үшін тор көлемі 50х35х30 см аспауы тиіс және ұшақ салонында жеке орын сатып алынуы тиіс. Бұл қызметті тек +7(727)356-14-14-14 телефоны немесе сіздің қалаңыздың агенттігінде сатып алуға болады.
 

Тасымалдауға қабылданбайды:

  • жабайы жануарлар, терісі бағалы аңдар және бауырымен жорғалаушылар (жыландар);
  • ірі үй жануарлары,
     

Ұшақ салонындағы жануарлар (PETC)

Бір жолаушыға бір ұялас екі жануары бар бір ғана контейнерді тасымалдауға рұқсат етіледі. Тормен бірге салмағы 8 кг аспауы тиіс.

Контейнердің габариттері:

  • Салмағы 0-5 кг. (торымен бірге), жануарлар үшін торының көлемі 29x43x26 см аспауы тиіс;
  • Салмағы 5-8 кг.(торымен бірге), жануарлар үшін торының көлемі 50х35х30 см аспауы тиіс.

Шағын иттер мен мысықтар үшін мұндай жануарларды тасымалдауға арнайы әзірленген арнайы контейнерлерді немесе жұмсақ тасымалдауларды пайдалану ұсынылады. Жануарларға арналған мұндай тасымалдағыштарды зоодүкендерден сатып алуға болады. Жолаушылар салонында жануарларды тасымалдау үшін басқа жұмсақ тасымалдау түрлерін қолдануға болмайды. 

  • Контейнердің түбі немесе тасымалдау сөмкелері тығыз, ылғал өткізбейтін және улы емес сіңіргіш материалмен жабылуы қажет. Контейнердің немесе тасымалдағыш-сөмкенің құрылымы сіңіргіш материалдың төгілуін болдырмауы тиіс.
  • Құстар тасымалдауға торларда қабылданады. Тор тасымалдау кезінде торға жарықтың кіруін болдырмайтын, тордың өздігінен ашылуын болдырмайтын тығыз матамен жабылуы тиіс.

Қосымша ақпарат:

  • бір жолаушы салонында антагонистік жануарларды (ит-мысық) тасымалдауға тыйым салынады;
  • жануарды немесе құстарды тек кәмелетке толған жолаушы ғана тасымалдай алады;
  • QAZAQ AIR әуе компаниясының рейстерінде тек үй жануарларын (мысықтарды, иттерді) және құстарды тасымалдауға рұқсат етіледі. Басқа жануарлар багажда немесе қол жүгінде тасымалдана алмайды;
  • рейстің ұшуынан 2 сағат бұрын жолаушы жануарды тамақтандыруы, суаруы және оны міндетті түрде қарап тексеруі тиіс;
  • құстар тасымалдауға торларда қабылданады. Тор тасымалдау кезінде торға жарықтың кіруін болдырмайтын тығыз матамен жабылуы тиіс.
  • әуе кемесінің салонында құс немесе жануарды тордан алып шығуға тыйым салынады;
  • жолаушы жануарға/құстарға қажетті рұқсаттар мен анықтамалардың болуына және сәйкестігіне толық жауап береді;
  • жануарларды қолдан жасалған контейнерлерде тасымалдауға тыйым салынады;
  • әуе компаниясының қасақана заңсыз әрекеттері немесе өрескел ұқыпсыздығы салдарынан болған жағдайларды қоспағанда, әуе компаниясы жануардың/құстың дене жарақаттары, жоғалуы, ауруы немесе өлімі үшін жауапты болмайды;
  • әуекомпаниясы қызметкерлерінің міндеттеріне жануарларға күтім жасау кірмейді.

Жануарларды тасымалдау үшін талап етілетін құжаттар: 

  • сіздің жануарыңызға арналған ветеринарлық паспорт;
  • ветеринариялық қадағалаудан немесе ветеринариялық клиникадан анықтама (алынған күннен бастап 3 күн жарамды).

Ескертпе: ӘК салонында жануарларды тасымалдау үшін қызмет құнын қайтару жағдайында тиісті бағыт учаскесінде қолданылатын тарифті қолдану ережелеріне сай айыппұл қолданылады.

АТЫ-ЖӨНІН ӨЗГЕРТУ

Брондау кезінде аты-жөні дұрыс жазылмаған жолаушылар рейске қабылданбайды.

Дұрыс толтыру реті тегі, аты, әкесінің аты.

Аталмыш ретті бұзған немесе аты-жөнін жазуда өзге де қателіктерді жіберген жағдайда,  info@flyqazaq.com;  +7(727)356-14-14 хабарласуыңызды сұраймыз.

Жұмыс уақыты: 08.00-20.00 күн сайын

Аты-жөнді өзгерту келесі жағдайларда ғана жүзеге асырылуы мүмкін:

  • жолаушы аты мен тегі ауыстырылып жазылған болса;
  • қос тектің біреуі ғана жазылған жағдайда;
  • төлқұжатта жазылған атымен сәйкес келмеуі (транскрипция өзгертілген немесе әріптер жазылмай қалған жағдайда, күйеунің тегін алған әйел адамдардың қыз кезіндегі тегі жазылып кеткен немесе кері жағдайда).

Аты мен тегінде 3 әріпке дейін қатені өзгерту үшін 1000 теңге, ал билетті басқа жолаушға рәсімдеу қызметі үшін қосымша 10 000 теңге көлемінде алым төленуі тиісті. 

ҚАРУ МЕН ОҚ-ДӘРІЛЕРДІ ТАСЫМАЛДАУ

Тікелей және түйспелі рейстерде қару-жарақ пен ату жарақтарын өткізу туралы арнайы шарт пен төлемақы құны.

Атауы

Ішкі рейстердегі тасымалдау бағасы

Арнайы шарттар

Қару жарақтар мен от-дәрісі

WEAP

5000 тг

Қару-жарақтар мен от-дәрісінің иелері жеке тұлға болған жағдайда, қару-жарақты сатқан мекеменің растау құжаттары немесе рұқсаттаманың дубликаты, сонымен қатар ІІМ тиісті өкілетінің қару-жарақты алып жүруге рұқсат беретін анықтама қағазын қару-жарақпен бірге ұсыну керектігін мәлімдейміз. Ол үшін алдын ала сұрау салуыңызды өтінеміз. Ол үшін SSR-дің «WEAP» коды қолданылады. Қару-жарақты растау мақсатында оның сипаттамасы, саны, моделі, табельдік нөмірі мен әбзелді (патрондар) қолдану мақсаты тексеріледі.

Қару жарақтар мен от-дәрісі

WEAF

Ақысыз

Жедел іздестіру мемлекеттік орган қызметкерлері мен қамауға алынған (күдікті) тұлғалар, қылмыстық және іске қатысты басқа да заттық дәлелдерді алып жүрген мемлекеттік орган қызметкерлері, сонымен қатар арнайы пошта мен арнайы жүкті тасымалдайтын мемлекеттік фельдъегер қызметкерлері мен әскери күзеттің жеке құрамының қарамағында келе жатқан жолаушылар мен Қазақстан Республикасының мемлекеттік күзет қызметкерлері белгілі бір адамдарды бақылаушы ретінде еріп жүрген жағдайда іссапар куәлігінде тиісті белгілер қойылуы қажет. SSR-дің «WEAF» кодын қолданып, міндетті түрде алдын-ала сұраныс жіберілуі керек. Қару-жарақты растау мақсатында оның сипаттамасы, саны, моделі, табельдік нөмірі мен әбзелді (патрондар) қолдану мақсаты тексеріледі.

СПОРТТЫҚ ЖАБДЫҚТАР

Құрметті жолаушылар сіздер спорттық жабдықтарды тасымалдауға қатысты ақпараттармен танысып шыға аласыздар.

Жабдық

 

Ішкі бағыттарда    тасымалдаудың құны

 

Ішкі транзиттік сапарларда    тасымалдаудың құны 

Арнайы шарттар

 

 

Гольф

5000 тг

8000 тг

1 Гольфқа арналған сөмке, оның құрамында гольф ойнауға арналған сырғытпа таяқтарының 1 жинағы, гольфқа арналған доптар және доптарға арналған тіреуіштер бар. Жалпы салмағы 15 кг аспауы тиіс.

Велосипед

5000 тг

8000 тг

Бір жолаушыға тасымалдау үшін велосипедтің бір бірлігіне рұқсат беріледі. Тасымалдау үшін велосипедті алдын-ала дайындап қою қажет: велосипедтің тұтқасын жанынан бекіту, дөңгелектерінің қысымын түсіру және басқыштарды алып тастау керек. Велосипедті арнайы қорапқа қаптауға кеңес беріледі. Алдын-ала сұраныс қажет. Тандемге рұқсат берілмейді (екеуі немесе үшеуі үшін)

Суға сүңгуге арналған жабдық

 

5000тг

8000тг

Суға сүңгуге арналған жабдықтың бір жинағына келесілер кіреді: жүзгіштігінің өтемдеуіші, реттеуіш, бетперде және тыныс алу түтігі, қос ескеаяқтар, жүктері бар ауырлататын белбеу. Тасымалдаған кезде аквалангтың баллондары бос, ал клапандары ашық болуы керек, Суға сүңгитін шам токсыз болуы тиіс, шам немесе аккумуляторды алып тастаған жөн, шамды тек қол жүгі ретінде ғана тасымалдауға болады.

Сёрфингке арналған тақтайлар

 

5000 тг

8000 тг

тақтайлардың барлық түрлерін сенімді түрде қаптап, ұшақтың фюзеляж бөлігінің жүк бөлімінде тасымалдау үшін жүк етіп тапсыру керек.

шарты - олардың ұзындығы 170 см. аспауы тиіс.

Балық аулайтын құрал-сайман

5000 тг

8000 тг

Балық аулайтын саймандардың жинағы бір қармақтан, бір балық аулайтын сөмкеден тұрады.

Шаңғылар

5000 тг

8000 тг

шаңғылардың 1 жұбы, шаңғы таяқтарының 1 жұбы, бәтеңкелердің 1 жұбы, 1 дулыға.

шарты - олардың ұзындығы 170 см. аспауы тиіс.

Сноуборд

5000 тг

8000 тг

1 сноуборд , бәтеңкелердің 1 жұбы,1 дулыға.

шарты - олардың ұзындығы 170 см. аспауы тиіс.

Хоккей

5000 тг

8000 тг

хоккей жабдықтары бар 1 сөмке, қорғаныс жабдықтарының 1 жиынтығы (тізелерге, қолдарға және т.с.с. арналған), хоккей сырғытпа таяқтары, конькилердің 1 жұбы, 1 дулыға.

 

Ескертпе: Спорттық құрал-саймандарды өткізу үшін төлем төлеу толық көлемде қайтарылуға жатады.

Егер жабдықты тасымалдау алдын ала брондалмаса және әуе компаниясымен расталмаса, әуе компаниясы спорттық жабдықтары бар жолаушыны тасымалдаудан бас тартуға құқылы, бұл ұшу қауіпсіздігін қамтамасыз ету немесе әуе компаниясы немесе жолаушылардың мүліктеріне зиян келтірудің алдын алу үшін қажет. Спорттық жабдықты тасымалдау сұранысы ұшуға дейін 24 сағат бұрын қабылданады.