2025 жылғы 12 қазанда «Астана Арена» стадионында UNI Football League жобасы аясында ерекше білім беру қажеттіліктері бар балалар мен жасөспірімдерге арналған алғашқы республикалық инклюзивті футбол турнирі өтті. Оған Қазақстанның 10 қаласынан 95 қатысушы қатысты.
Жобаның серіктестері мен әлеуметтік қолдаушыларының бірі QAZAQ AIR (VIETJET QAZAQSTAN) әуе компаниясы болды. Компания қатысушылар мен жаттықтырушыларға жеңілдетілген әуе билеттерін ұсынып, қайырымдылық қорының бастамасын және спортқа баршаға тең қолжетімділік идеясын қолдады.
«Біздің мақсатымыз – әр балаға, оның денсаулығының ерекшеліктеріне қарамастан, саяхат пен спортты қолжетімді ету. Осындай жобаларды қолдау арқылы біз тек жолаушыларды байланыстырып қана қоймай, жаңа мүмкіндіктерге жол ашамыз», — деді әуе компаниясының Басқарма Төрағасы Адилбек Умралиев.
Турнир отбасыларды, жаттықтырушыларды, еріктілерді және серіктестерді біріктірген ерекше оқиға болды. Ата-аналар бастамаға атсалысқан барлық компанияларға алғыс білдірді.
QAZAQ AIR әр баланың өз командасының және қоғамның толыққанды мүшесі болып сезінуіне үлес қосқанына ризашылығын білдіреді.